تأثير اعلانات جوجل علي ال SEO

الفرق بين اعلانات جوجل وال سيو

زي ما احنا متفقين ، جوجل مش هتقول كل حاجه تعملها علشان يظهر موقعك في النتائج الاولي في البحث، علشان كده لازم نتوقع ونتابع ونحلل اللي بيحصل ونحاول نربط بينهم ونستفيد منه في ظهور موقعنا في محركات البحث خصوصا جوجل

اعلانات جوجل هي اني بدفع فلوس لجوجل علشان موقعي يظهر في نتائج البحث في بلاد ومناطق بيتم اختيارها وكلمات برضه بيتم اختيارها، ولو بطلت ادفع موقعي بيختفي 

طيب هدفع كام؟
مفيش ميزانيه محدده ، علي اد ما هتدفع علي اد ما هتظهر ، لكن ممكن يكون في حد ادني او متوسط بناء علي كل مجال وقوه المنافسه والبلاد اللي هتختارها

السيو - هو انك تشتغل علي الموقع علشان تظهر بدون ما تدفع ، بس طببعا لو شركه هتساعدك في الموضوع دا برضه هتدفع لها اكيد ، بس الفرق انك مش بتتحاسب علي كل حد هيدخل موقعك من السيو ، لكن في الاعلانات المدفوعه بتتحاسب بسعر الكليك علي او الدخول علي الاعلان ، مثلا لو سعر الكلمه في الاعلانات ١ دولار - معناها ان لو دخل ١٠٠ هتدفع ١٠٠ دولار وهكذا - طبعا الرقم دا للتوضيح فقط

لكن في السيو لو دخلك ١٠٠٠ من كلمه مش هتدفع غير الفلوس اللي انت متفق عليها مع الشركه او الشخص اللي شغال علي موقعك سيو

السؤال المهم ، ايه علاقه وتأثير اعلانات جوجل علي السيو ؟

مفيش كلام محدد وواضح ان لما تعمل حمله اعلانيه مدفوعه علي جوجل ، هيأثر ويزيد من الترتيب بتاع موقعك في السيو ، لكن عن تجربه وتحليل ،،، اه الموضوع بيفرق مع جوجل

طيب ليه وازاي وبناء علي ايه التحليل دا ؟
تخيل معايا انت عاوز تظهر في كلمه معينه في السيو
لما تدفع فلوس وتصرف علي الكلمه دي ، مش دا ممكن يكون معناه انك فعلا بتقدم الخدمه دي ؟

مش لما حد بيصرف فلوس علي حاجه - مش معناها انه فعلا مهتم بموقعه وبالمنتجات بتاعته؟

مش برضه جوجل بيقدر يحسب ان الناس اللي دخلت موقعك قعدت اد ايه في الموقع وشافت كام صفحه ودا يزود بالنسبه لجوجل المصداقيه لموقعك

طبعا دا بجانب انك تكون مهتم بالسيو في موقعك وتهتم بسهوله التصفح فيه وتهتم انه يكون سريع وغيره وغيره من اساسيات السيو